Egokitu dezagun kirola denek jarduera fisikoaz gozatzeko
TESTUA ETA ARGAZKIA: Gandasegi eskola
Gaur eman diogu hasiera Gandasegi eskolan aurtengo Kultur asteari. Haszten elkartearen eskutik, jarduera fisikoa praktikatzea du helburu.
Kirola denek , gure gaitasun ezberdinak badira ere, praktikatu ahal dugun jarduera fisikoa da. HASZTEN ekartearen eskutik hasiera eman diogu gaur Gandasegi eskolan aurtengo Kultur asteari. Bizkaian jaioa 2014. urtean, hezkuntza-jarduera fisikoaren eta kirol egokitu eta inklusiboaren bidez dibertsitate funtzionala duten pertsonen bizitza hobetzea da elkarte honen zeregina.
Denek gure bizitzan normaltasunez aritzeko laguntza behar dugu edo/eta behar izango dugu. Ez dugula ondo ikusten, betaurrekoak beharko ditugu. Anka-hezur bat apurtu zaigula, muletak behar izango ditugu. 7. pisuan bizi garela, igogailua behar dugu… Hamaika adibide topatu ahal ditugu pertsonek gure ezaugarriak kontutan harturik laguntza behar dugula ohartarazteko.
Holan hasi da 6. mailako ikasleekin izan dugun saioa. Hortik abiatuta zer den kirol egokitua eta zertan datzan kirol inklusiboa aztertu dugu. Aniztasun funtzionala ezberdinak dituzten pertsonek kirola pratikatzeko beharrezkoa zaigu materialak aldatu eta-edo jolasteko arauak moldatu. Horretaz guzti horretaz egin dugu berba saioaren alde praktikoan murgildu baino lehen.
Aniztasun funtzional ezberdinak daudela kontutan harturik jarduera fisikoetan aritzeko lau talde daudela azaldu digute. Hauek dira taldeak:
1.- Zentzumenezko aniztasun funtzionala.
2.- Aniztasun funtzional fisikoa( elbarrituak )
3.-Aniztasun intelektualak ( down sindromea, autismoa,…)
4.- Garun-paralisiko aniztasun funtzionalak
Aurkezpen-hitzaldi txikiaren ondoren, ikasleek dibertsitate funtzionala duten pertsona horien lekuan jartzeko aukera izan dute. Lehenengo bi taldekoen pertsonen lekuan jarriko gara: itsuak izango gara ( zentzumenezko aniztasun funtzionala) eta elbarrituak izango gara ( Aniztasun funtzional fisikoa)
Itsua zara. Nola mugiko zara. Zer laguntza beharko duzu? zer sentsazio izan dituzu?. Ikasleek zirkuitu bat egin behar izan dute begiak estalita. Bat itsua eta bestea laguntzailea.
Elbarritua zara. Gurpil-aulkian mugitu beharko duzu. orain gurpilak zure hankak dira. Alkietan eseri, aurrera joan, piboteen artean mugidu, atzera egin, birak egin,
Saio oso interesgarria izan da. Denbora gutxian, beraien lekuan jarriz, aniztasun funtzional ezberdinak dituzten pertsona guzti horiek normaltasunez ikusten ikasi dugu.
