Mercedes Salguerok eta José Manuel Bautistak liburuak aurkeztuko dituzte Torrezabalen

TESTUA: Irati Alonso García
ARGAZKIA: Binke

Galdakaoko Torrezabal Kultur Etxeak liburu aurkezpen bi hartuko ditu martxoaren 14an. Mercedes Salguerok ‘El legado de mis raíces’ liburua aurkeztuko du eta José Manuel Bautistak ‘El sendero de los sentidos’ poema bilduma.

Literatura izango da nagusi Galdakaoko Torrezabal Kultur Etxean martxoaren 14an. Aretoak liburu aurkezpen bi hartuko ditu egun horretan, arratsaldeko 19:30ean hasiko den saioan.

Batetik, Mercedes Salguerok ‘El legado de mis raíces’ liburua aurkeztuko du. Idazleak bizitzak luzatzen dizkigun erronkei aurre egiteko lanaren inguruko nondik norakoak eskainiko ditu, sagu baten maltzurkeriaren eta lehoi haserretu baten bitartez. «Nork bere burua gainditzeko irakaspenak dira, arbasoek ereindakoak», azaldu dute antolatzaileek.

José Manuel Bautistak aldiz, ‘El sendero de los sentidos’ poema bilduma aurkeztuko du. Lan honetan idazleak bizi-sentsazioak islatzen ditu gai ezberdinen bitartez.

Autore biek haien liburuen inguruan hitz egingo dute parte-hartzaileekin batera eta ostean aleak sinatzen egongo dira.

Bestalde, Josemi musikari gonbidatu dutela iragarri dute antolatzaileek.