Usansolo Areto Futbol taldea Hirugarren Maila Nazionalera igo da
TESTUA: Irati Alonso García
ARGAZKIA: Usansolo Areto Futbol taldearen sareetatik
Usansolo Areto Futbol taldeak Hirugarren Maila Nazionalera igotzea lortu du, astelehenean Zabalgana Zarauna taldeari 7-4 irabazi ostean. Denboraldia amaitzeko hiru jardunaldi geratzen diren arren, matematikoki igoera lortu dute.
Oraindik hiru jardunaldi falta dira liga amaitzeko baina Usansolo Areto Futbol taldeak lortu jada denboraldiko helburua: Hirugarren Maila Nazionalera igotzea. Astelenean lortu zuten, Unkina kiroldegian Zabalgana Zarauna taldeari 7-4 irabazi ostean.
Partida arratsaldeko 18:00etan hasi zen eta hainbat zale batu ziren kiroldegian Usansoloko taldea animatzeko, izan ere, partida «oso garrantzitsua» zen klubarentzat.
«Klubaren hamargarren urteurrena ospatzeko amaiera bikaina, hamar denboraldi ahaztezin lau igoera eta bi ligarekin. Eskerrik asko guztioi», adierazi du Usansolo Areto Futbol taldeak sareetatik.
