Usansoloko Korrika batzordeak bilera antolatuko du barikuan
TESTUA: Irati Alonso García
ARGAZKIA: AEK
Korrikaren 23. edizioa martxoaren 14tik 24ra antolatuko du AEK-k Irundik Baionara eta oraindik Usansolotik noiz igaroko den iragarri ez duen arren, hitzordua antolatzeko batzordea hasi da ekimena prestatzen. Barikuan, urtarrilak 12, bilera antolatuko dute Txapelenan.
Azaroaren 16an aurkeztu zuen AEK-k Korrikaren 23. edizioa. Hurrengo urteko martxoaren 14tik 24ra antolatuko da eta Irunen hasi eta Euskal Herriko hainbat txokotatik igaroko da Baionan amaituz.
Herriz herriko egitaraua oraindik ez dute ezagutzera eman eta hortaz, ez dakigu oraindik noiz igaroko den Galdakaotik eta Usansolotik. Azken herri honetako Korrika batzordea ordea martxan da dagoeneko hitzordua prestatzen.
23. Korrika antolatzeko bilera egingo dute barikuan, urtarrilak 12, Txapelenan 19:00etan eta parte hartzera animatu dituzte herritarrak.
