‘Zergatik boikota Israeli?’ solasaldia antolatuko dute Galdakaoko Herriko Bentan
TESTUA: Irati Alonso García
ARGAZKIA: FCAP
Boikota Desinbertsioak eta Zigorrak Israelentzat mugimenduak eta Galdakaoko Elkarlaguntza Sareak Palestinaren egoeraren inguruko solasaldia antolatuko dute barikuan, maiatzak 10. Saioa Herriko Bentan izango da eta ondoren pikoteo musikatua eskainiko dute.
Boikota Desinbertsioak eta Zigorrak Israelentzat mugimenduak Israelek Palestinaren aurka egindako erasoak salatzen jarraitzen du eta baita Benjamin Netanyahuk zuzendutako herrialdeari boikota egiteko deia egiten.
Barikuan, maiatzak 10, Galdakaon solasaldia eskainiko dute gaiaren inguruan ‘Zergatik boikota Israeli?’ izenburupean.
Saioa Galdakaoko Elkarlaguntza Sarearekin batera antolatuko dute Herriko Bentan 18:30ean eta ondoren pikoteo musikatua eskainiko dute.
