U113 triatloi taldeak bigarren postua lortu zuen Euskadiko Duatloi Txapelketan
TESTUA: Irati Alonso García
ARGAZKIA: Tkrono Trialtoi Getxo taldearen sareetatik
Euskadiko Duatloi Txapelketa ospatu zen otsailaren 19an, Garain. Usansoloko U113 triatloi taldeak errelebo mistoak kategorian parte hartu zuen eta bigarren postua lortu zuen, Tkrono Triatlon Getxo taldearen atzetik.
Hainbat eta hainbat kirolari batu ziren Garain otsailaren 19an Euskadiko Duatloi Txapelketan parte hartzeko. Taldekako modalitatean, gizonezkoen, emakumezkoen eta talde mistoek lehiatu zuten zirkuituan.
Parte hartzaileen artean izan zen Usansoloko U113 taldea eta bigarren postua lortu zuten, Tkrono Triatlon Getxo taldearen atzetik.
U113 taldea bi gizonez eta bi emakumez osatuta egon zen eta bakoitzak saria eta zilarrezko domina jaso zuen lasterketaren ostean antolatzaileen eskutik.
