Aitziber Olabarrieta erizainak Emakumeak eta arrisku kardiobaskularra hitzaldia eskainiko du gaur, urriak 7, Galdakaon. Saioa Mairi Emakume Feminista Batzak Torrezabal Kultur Etxean izango da.
Galdakaoko Mairi Emakume Feminista Batzak berdintasuna lortzeko lan egiten du eta bide horretan, hitzaldi berri bat antolatu du herrian.
Saioa gaur, urriak 7, izango da Torrezabal Kultur Etxean 19:00etan, eta Emakumeak eta arrisku kardiobaskularra izenburua izango du.
Aitziber Olabarrieta Osakidetzako erizainak eskainiko du solasaldia, eta helburua «emakumeengan beraiengan gaixotasun kardiobaskularrei buruzko kontzientzia sortzea, horiek baitira guretzat heriotza-kausa nagusia».
