EGITARAUA | Torrezabalek 18 ikuskizun iragarri ditu ekainera bitarte

TESTUA: Irati Alonso
ARGAZKIA: Galdakaoko Udala

Torrezabal Kultur Etxeak 18 kultur ikuskizun eskainiko ditu ekainera bitarte. Besteak beste, ‘Ez naiz Dublinen egon’, ‘Batetik bestera’ eta ‘Hondamendia’ antzezlanak eta Anne Etchegoyenen eta Goazenen kontzertuak iragarri ditu. Hemen batu ditu Binkek saio guztiak.

Behin urtea bukatu dela eta Gabonak atzean utzi direla, Torrezabalek hurrengo hilabeteetan eskainiko dituen kultur ikuskizunak iragarri ditu. Guztira, 18 saio izango dira aretoan, adin eta zaletasun guztiei zuzendutakoak.

Horrela, antzerkia, musikala, dantza, zirkua edo kontzertuak izango dira ekainaren 10era arte. Horietatik bederatzi euskara hutsez izango dira eta sarrerak salgai daude Torrezabalen eta aretoaren webgunean.

Azpimarratzekoak dira Aitziber Garmendia protagonista duen ‘Ez naiz Dublinen egon’ antzezlana; Marie de Jongh eta Doos Colectivo konpainien ‘Esna’ dantza ikuskizuna, Galdakaoko Musika Banda da Capo, Ana Fernández eta El Gran Rufusen ‘Zirku Soinua!’; Anne Etchegoyenen ‘Ainarak’ dokumentalaren aurkezpena eta kontzertu laburra; eta ‘Goazen 9.0’ taldearen eta Juan Perroren kontzertuak.

Ondoko zerrenda honetan batu ditu Binkek ekainera bitarte Torrezabal Kultur Etxeak eskainiko dituen ikuskizun guztiak:

• *Urtarrilak 27, barikua: ‘Katuen kontuak’ ikuskizuna, 20:30. Sarrera: 6-8€. ATZERATUTA
• *Urtarrilak 28, zapatua: ‘Arrainak bihotzean’ antzezlana, 18:00. Sarrera: 4-6€.
• *Otsailak 10, barikua: ‘Ez naiz inoiz Dublinen egon’ antzezlana, 20:00. Sarrera: 7,5-10€.
• Otsailak 19, domeka: ‘Esna’ dantza ikuskizuna, 18:00. Sarrera: 4-6€.
• Otsailak 25, zapatua: ‘En palabras de Jo… Mujercitas’ antzezlana, 20:00. Sarrera: 9-12€.
• *Otsailak 26, domeka: ‘Zirku soinua!’ ikuskizuna, 13:00. Sarrera: doan.
• *Martxoak 4, zapatua: ‘Batetik bestera’ antzezlana, 18:00. Sarrera: 4-6€.
• Martxoak 11, zapatua: ‘Ainarak’ dokumentalaren aurkezpena eta Anne Etchegoyenen kontzertu laburra, 20:00. Sarrera: 6-8€.
• *Martxoak 17, barikua: ‘Hondamendia’ antzezlana, 20:00. Sarrera: 7,5-10€.
• Martxoak 26, domeka: ‘Muchos amigos negros’ antzezlana, 19:00. Sarrera: 7,5-10€.
• *Apirilak 1, zapatua: ‘Goazen 9.0’ kontzertua, 17:00 eta 19:00. Sarrera: 6-10€.
• Apirilak 2, domeka: ‘Miradas ajenas / Besteen begiradak’ kontzertua, 13:00. Sarrera: doan.
• Apirilak 21, barikua: ‘El nadador de aguas abiertas’ antzezlana, 20:00. Sarrera: 7,5-10€.
• Maiatzak 5, barikua: Juan Perroren kontzertua, 20:00. Sarrera: 9-12€.
• Maiatzak 6, zapatua: ‘Bajau’ ikuskizuna, 18:00. Sarrera: 4-6€.
• *Maiatzak 12, barikua: ‘Amatxik dixit, zuri’, 20:00. Sarrera: 6-8€.
• Maiatzak 19, barikua: ‘Lo único que verdaderamente quise toda la vida es ser delgada’, 20:00. Sarrera: 6-8€.
• *Ekainak 10, zapatua: ‘Sentsazioak’ magia ikuskizuna, 18:00. Sarrera: 6-10€.

* Izartxoarekin adierazitako saioak euskaraz izango dira.