Apirileko Feria ospatzeko ekintzak antolatuko dituzte asteburuan Urretan

TESTUA: Irati Alonso García
ARGAZKIA: EFE

Apirileko Feria ospatzeko ekintzak antolatuko dituzte asteburuan Galdakaoko Urreta auzoan. Besteak beste, pintxo dastaketak, dantza ikuskizunak eta musika emanaldiak eskainiko dituzte zapatuan eta domekan.

Aurreko urteetan bezala, Andaluziako erritmo eta kolorea helduko dira Galdakaora. Binkek jaso zuen moduan, Urbietan hainbat ekintza antolatu ditu Elkarbizi elkarteak. Besteak beste, musika eta dantza emanaldiak izango dira eta bingoan parte hartzeko aukera izango dute bertaratzen direnek.

Urreta auzoan ere ospatuko dute Apirileko Feria, Urreta Jai Batzorde Elkartearen eta Gure Bastartxue eta Lorea tabernen eskutik., Galdakaoko Udalaren laguntzaz. Musika, dantza eta janaria izango dira asteburuko protagonistak, zapatuan eta domekan zehar.

Hemen batu ditugu antolatuko dituzten ekintza guztiak:

Apirilak 22, zapatua

12:00 Pintxoen dastaketaren irekiera, taberna kolaboratzaileetan
16:00 Dantza erakusketa, Osane Ruizen eskutik
17:00 Miss eta Mr Urretaolé lehiaketa
20:00 Juanjo Navasen dantza emanaldia

Apirilak 23, domeka

12:00 Pintxoen dastaketaren irekiera, taberna kolaboratzaileetan
14:00 Kontzertu flamenkoa, Los Primos taldearen eskutik