Murtzia gailurrera irteera antolatu du Ganguren Mendi Taldeak astebururako
TESTUA: Irati Alonso García
ARGAZKIA: Ganguren Mendi Taldea
Ganguren Mendi Taldeak Murtzia gailurrera irteera antolatu du astebururako. Peña Santa Lucía (1.854 m) eta Murtzia (2.351 m) mendiak igoko dituzte eta zapatuan, ekainak 17, irtengo dira udaletxetik.
Urtean zehar hainbat eta hainbat irteera antolatzen ditu Ganguren Mendi Talde galdakoztarrak. Galdakaon, Usansolon eta herritik kilometro askotara, tontorrak igotzen dituzte ia astebururo taldeko bazkideek eta mendizaleek.
Asteburu honetan Murtzia gailurrera irteera antolatu dute Gangurenetik. Zehazki, Peña Santa Lucía (1.854 m) eta Murtzia (2.351 m) mendiak igoko dituzte parte-hartzaileek.
Udaletxetik abiatuko dira zapatuan, ekainak 17, 7:00etan eta izena eman daiteke 70 euroko prezioan bazkideek eta 85 euroan gainontzekoek.
