Usansoloko jaietako edalontziaren diseinua aukeratzeko epea zabalik dago
TESTUA: Irati Alonso García
ARGAZKIA: Ander Arrieta
Usansoloko jaietan erabili ohi diren txosnetako edalontzientzako diseinu berriaren bila dabiltza. Sei proposamenen artean aukeratu ahal dute auzokideek eta bozkatzeko epea zabalik dago barikura arte.
Lamintxu Gazte Asanbladak herritarren laguntza eskatu du Usansoloko jaietan erabiliko den edalontziaren diseinu berria aukeratzeko. Sare sozialen bitartez auzokideen partaidetza eskatu du taldeak.
Sei proposamenen arten aukeratu ahal da webgune honen bitartez eta barikura bitarte, urriak 27, zabalik dago bozkatzeko epea.
«Animatu eta parte hartu!», adierazi du taldeak, jaiak guztion artean egiten direla azpimarratuz.
