Sormena lantzeko tailer feminista antolatuko dute Galdakaon
TESTUA: Irati Alonso García
ARGAZKIA: Aaum Analytics
Gazte Berpiztu taldeak sormena lantzeko tailer feminista antolatuko du Galdakaon urtarrilaren 25ean. Indarra topagunean izango da eta izena emateko epea zabalik dago hilaren 23ra arte.
Hainbat alor jorratzen dituzten ekintzak antolatzen ditu urtean zehar Gazte Berpiztu talde galdakoztarrak eta urte hasiera honetan ere egiten jarraituko du. Kasu honetan Indarra topagunean tailerra egingo dute urtarrilaren 25ean.
Saioa sormena lantzeko tailer feminista izango da eta bakoitzak tote poltsa sortuko du «hausnarketa kolektiboa sustatuz».
Tailerrean parte hartzeko izena ematea beharrezkoa da eta zabalik dago urtarrilaren 23ra arte. Bi modutan egin daiteke: @gazteberpiztu Instagram kontura idatziz edo 688680840 telefonora deituz.
