Esan Herritarren Arretarako Zerbitzuaren ordutegia zabaldu du Galdakaoko Udalak
TESTUA: Irati Alonso García
ARGAZKIA: Galdakaoko Udala
Tramiteak ahalik eta gehien arintzeko helburuarekin, makina jarri zuen Galdakaoko Udalak Esan zerbitzuaren sarreran. Orain arte zerbitzua irekita zegoen uneetan erabili ahal zen soilik makina baina aurrerantzean beti erabili ahal izango da, astelehenetik igandera, goiz eta arratsalde.
Tramiteak ahalik eta gehien arintzeko helburuarekin, makina jarri zuen Galdakaoko Udalak Esan zerbitzuaren sarreran, eta beste pauso bat eman du orain: arreta zuzenerako bulegoa itxita egonik ere erabili ahal izango da makina astelehenetik igandera, goiz eta arratsalde.
Sarritan, tramiteak egiteko beharra lan ordutegiekin uztartzeko zailtasunak izaten dira, eta hori «saihestea» da helburua Udalaren esanetan: «herritarrei tramiteak ahalik eta erosoen egiteko erraztasunak ematea».
Honako ordutegian erabili daiteke, hemendik aurrera, tramiteak egiteko Esaneko kutxazain moduko makina:
- Astelehenetik ostiralera 08:00etatik 21:30era
- Larunbat eta igandetan, 09:00etatik 21:00etara
Esan arreta zerbitzurako bulegoaren ordutegiak ohikoa izaten jarraituko du eta orain arteko zerbitzu bera ematen jarraituko du, baina, baliabide berriarekin, «lan karga arindu eta herritarrei zerbitzu are hobea emango zaiela» espero du Udalak.
