Gaizka Carregal galdakoztarrak Bizkaiko Kluben Txapelketako finala irabazi zuen
TESTUA: Irati Alonso García
ARGAZKIA: Adiskide Pilota Elkartea
Abenduaren 28an Bizkaikko Kluben Arteko Txapelketako eskuz banakako hiru final hartu zituen Galdakaoko Kurtzea pilotalekuak eta hauetako batean parte hartu zuen Gaizka Carregalek. Galdakoztarrak Nagusien 1. Mailako finala jokatu eta irabazi zuen, Txumuxulueta taldeko Rekalde pilotariaren aurka.
Gabonetako giroan murgilduta, hitzordu berezia hartu zuen abenduaren 28an Galdakaoko Kurtzea pilotalekuak, izan ere, Bizkaiko Kluben Arteko Txapelketako hiru final jokatu ziren frontoi galdakoztarrean 16:30etik aurrera.
Eskuz banakako partidak izan ziren guztiak eta hauetako batean Adiskide Pilota Elkarteko Gaizka Carregalek parte hartu zuen.
Zehazki, Nagusien 1. Mailako finala jokatu eta irabazi zuen galdakoztarrak, Txumuxulueta taldeko Rekalde pilotari dimoztarraren aurka. Emaitza 22-20 izan zen.
Bestalde, abenduaren 31n Berangon antolatutako Gabonetako lau eta erdiko txapelketa irabazi zuen ere Carregalek, 22-06 Albisuren kontra.
