Galdakaoko txandakako aparkalekuek ez dute denbora mugarik izango bihar

Domeka goizean ikasleek egindako auto elektrikoen lasterketa antolatuko da Galdakaon eta honek trafikoan zein oinezkoengan eragina izango du. Kalteak arintzeko asmoz, Lapurdiko, Iturrondoko eta Bizkai kaleko txandakako aparkalekuek ez dute denbora mugarik izango bihar, zapatua.

Domekan, azaroak 19, Greenpower proiektuaren baitan antolatzen den auto elektrikoen lasterketa antolatuko Galdakaon. Ikasleek egindako autoek lehiatuko dute eta guztira zortzi talde parte hartuko dute, tartean Andra Mari Lanbide Heziketa.

Binkek jaso duen moduan, honek eragina izango du trafikoan zein oinezkoengan eta autobus zerbitzuan ere aldaketak izango dira.

Hau kontuan hartuz, eta lasterketak herritarregan sortu ditzakeen kalteak arintzeko asmoz, txandakako aparkalekuek ez dute denbora mugarik izango bihar zapatua. Domeketan ez dute denbora mugarik izaten normalean.

Hortaz, Lapurdiko, Iturrondoko eta Bizkai kaleko txandakako aparkalekuetan utzi ahal izango dira autoak asteburu honetan.