‘Osasun politikak eta zaintza udaletatik’ hitzaldia antolatu du Galdakaoko EH Bilduk biharko
TESTUA: Irati Alonso García
ARGAZKIA: BINKE
Galdakaoko EH Bilduk ‘Osasun politikak eta zaintza udaletatik’ hitzaldia antolatu du biharko, abenduak 4, Gandasegin. Hitzorduan Rebeka Ubera EH Bilduko legebiltzarkideak, Larraitz Arriola familia medikuak eta Unai Asurmendi Jarduera Fisikoaren Sustapenerako teknikariak parte hartuko dute.
Gandasegi eskolak Galdakaoko EH Bilduk antolatutako ‘Osasun politikak eta zaintza udaletatik’ hitzaldia hartuko du bihar, abenduak 4, 19:00etatik aurrera. Honetan, udaletatik osasun politikak eta zaintza nola kudeatzen diren aztertuko dute, hain zuzen.
Horretarako, hiru adituk hartuko dute parte. Batetik, Rebeka Ubera EH Bilduko legebiltzakidea arituko da Gandasegiko saioan. Bestetik, Larraitz Arriola familia medikuak parte hartuko du, lehen arretan eta osasun publikoan aritua denak eta gaur egun eremu soziosanitarioan lanean dabilenak.
Azkenik, Unai Asurmendi Heziketa Fisikoan Lizentziatua eta Jarduera Fisikoaren Sustapenerako teknikaria arituko da ere EH Bilduk antolatutako hitzaldian.
