Usansoloko haurrekin izango dira gaur Errege Magoak

TESTUA: Irati Alonso García
ARGAZKIA: EITB

Urtero egiten duten bidai luzean geldialdia egingo dute aurten ere Errege Magoek Usansolon. Kabalgata 18:45ean hasiko da tren geltokitik eta herritik buelta eman ondoren elizan harrera egingo dute haur eta familiekin.

Meltxor, Gaspar eta Baltasar Usansoloko umeekin izango dira beste urte batez. Tren geltokitik abiatuko da kabalgata 18:45ean eta herri osoan zehar buelta emango dute Errege Magoek, auzokide guztiei ilusioa eta gozokiak banatuz.

Ibilbidea egin ostean, 19:15ean, elizan egingo dute harrera. Han txiki eta nagusiek haien gutunak eman eta eskaerak egin ahal izango dituzte. Jostailuak, liburuak edo desirak, denetarik eskatu ahal izango diete umeek Errege Magoei.

Amaiera 20:00 aldera izango da, Meltxorrek, Gasparrek eta Baltasarrek etxera bidea hartuko dutela opariak banatzeko.