San Juan gaua ospatuko da Gorosibain ekainaren 23an
TESTUA: Irati Alonso García
ARGAZKIA: SanJuanadas
Urtero moduan, Gorosibai auzoak San Juan gaua ospatuko du ekainaren 23an eta hainbat ekintza antolatuko dituzte horretarako. Albiste honetan batu dugu egitarau osoa.
Gorosibai auzoan ere San Juan gaua ospatuko dute ekainaren 23an, udari ongi etorria emanez. Urtero moduan, ekintza bereziak antolatuko dituzte horretarako, ume eta helduei zuzenduta egongo direnak.
Festa giroa 18:00etan hasiko da eta ordubete beranduago karaokea eta ping pong txapelketa izango dira. 20:00etan aldiz 2. Traste taldeak kontzertua eskainiko du, kantu famatuen bertsioak eginez. Ohiko San Juan sua 22:00etan piztuko dute.
Bestalde, merendola eskainiko dute. Janaria doakoa izango da eta edariek euro bateko prezioa izango dute, Gorosibaiko Auzo Elkartetik azaldu dutenez.
