Goitibehera herrikoien lasterketa antolatuko dute Santakurtzetan
TESTUA: Irati Alonso García
ARGAZKIA: Click&Click
Aurten ere goitibehera herrikoien lasterketa antolatuko dute Santakurtzetan. Irailaren 10ean izango da eta albiste honetan batu ditugu parte hartzeko jakin beharrekoak.
Aurtengo Santakurtzak irailaren 8tik 17ra antolatuko dira eta urtero moduan egitarau zabala prestatzen ari dira Udala eta Jai Batzordea. Besteak beste, musika, dantza eta txapelketa asko izan ohi dira Galdakaoko jaietan zehar.
Halaber, goitibehera lasterketa antolatu ohi da urtero Galdakaoko jaietan. Pasa den urtean jendetza bildu zen txapelketa honetan, Binkek jaso zuen moduan.
Aurten ere hainbat auzokide batzea espero dute, kasu honetan irailaren 10ean antolatuko duten lehiaketan. Antolatzaileek adierazi dutenez, hainbat ezaugarritakoak izan daitezke goitibehera herrikoiak: egurrezkoa, norbanakoak, taldekoak…
Laguntzaile edo babesle izateko, galdakaokopatakon@yahoo.es helbider idatzi daiteke.
