Galdakaoko II. Triatloi Txikia antolatuko dute urriaren 8an

TESTUA: Irati Alonso García
ARGAZKIA: Edu Campos

Galdakaoko Triatloi Txikiaren bigarren edizioa antolatuko du Triathlon Galdakao kirol elkarteak urriaren 8an. Bizkai kalean hasiko da eta adinaren arabera ibilbide ezberdinak egingo dituzte.

Iaz, irailaren 25ean, lehen aldiz antolatu zen Galdakaoko Triatloi Txikia eta arrakasta handia izan zuen. Binkek jaso zuen moduan, lau kategoriatan lehiatu zuten eta guztira 132 gaztek parte hartu zuten hitzorduan.

Aurten errepikatzeko asmoa dute eta horretarako Galdakaoko Triatloi Txikiaren bigarren edizioa antolatuko dute urriaren 8an.

Irteera 10:00etan izango dA Bizkai kaletik eta adinaren arabera ibilbide ezberdinak egingo dituzte:

· 2009-2010 urteetan jaiotakoak: 10:00. 150 metro igeri, 3.000 metro bizikletaz eta 750 metro korrika.
· 2011-2012 urteetan jaiotakoak: 10:30. 100 metro igeri, 2.000 metro bizikletaz eta 500 metro korrika.
· 2013-2014 urteetan jaiotakoak: 11:15. 50 metro igeri, 1.000 metro bizikletaz eta 300 metro korrika.
· 2015-2016 urteetan jaiotakoak: 12:00. 20 metro igeri, 700 metro bizikletaz eta 200 metro korrika.

Txapelketan parte hartzeko beharrezkoa izango da aurretik izena ematea eta 5 euroko prezioa izango du.