Mozorro Gaua ospatuko dute Usansolon abenduaren 1ean
TESTUA: Irati Alonso García
ARGAZKIA: S. Smith W.
Aurten ere Mozorro Gaua ospatuko dute Usansoloko jaietan, kasu honetan abenduaren 1ean. Lamintxu Gazte Asanbladak antolatuko du hitzordua eta gaia gabonak izango dira.
Urria izanda eguraldi onak jarraitzen badu ere, bi hilabete baino ez dira gelditzen gabonetarako. Aitzikia hau hartuz Lamintxu Gazte Asanbladak Mozorro Gaua antolatuko du Usansoloko jaietan beste urte batez.
Jaia abenduaren 1ean izango da eta gabonak izango dira aurtengo gaia. Egun horretan photocall-a jarriko dute frontoian, auzokideen mozorro onenak batzen dituzten argazkiak egiteko helburuz.
«Badakizue usansolotarrok gure modura egiten ditugula gauzak beti, horregatik gabonak aurreratu ditugu. Animatu eta parte hartu! Hator hator Usansoloko jaietara!», animatu dute Lamintxutik.
