Ostatu tabernak eta Sorgiñek irabazi dute aurtengo Pintxo Lanperna lehiaketa

TESTUA: Irati Alonso García
ARGAZKIA: Galdakaoko Udala

Aurtengo Pintxo Lanperna lehiaketaren sari profesionala irabazi du Ostatu tabernak. Herritarren artean aldiz, Sorgiñek prestatutako pintxoa izan da garailea bigarren urtez jarraian. Atzo banatu ziren sariak taberna irabazleetan.

Atzo eman ziren ezagutzera Galdaoko Udalak, Gu Dendari elkarteak eta Galdakaoko Ostalaritza Eskolak antolatutako aurtengo Galdakaoko Pintxo Lanperna Lehiaketaren garaileak, sariak tabernetan bertan eman zirela.

Ostatu tabernak irabazi du epaimahai profesionalaren saria,«sukaldaritza prestaketa egin duelako teknika berritzaileak erabiliz eta perretxikoen presentzia handiarekin, bost motatakoak». Gainera, «eskandalu zehatz baten bidez justifikatu ditu kostuak, deialdiaren oinarrietan ezarritakoari zorrotz jarraituz».

Iñigo Hernando alkateak, Monika Bailon Sustapen Ekonomikorako zinegotziak eta Leire Loroño Gu Dendari elkarteko lehendakariak Ostatu tabernan bertan eman zioten saria sukaldari irabazleari: txapela eta 200 euroko opari txartela herriko dendetan gastatzeko.

HerriHerritarren artean berriz Sorgiñek prestatutako pintxoa izan da gustukoena, bigarren urtez jarraian. Bertara ziren dira saria Udal Gobernuko ordezkariek eta herriko dendetan gastatzeko 100 euroko opari txartela jaso zuen Sorgiñe tabernako arduradunak.

Bi txapeldun horiez gain, beste bi tabernak ere aipamena merezi dutela erabaki du epaimahai profesionalak. La Taberna el Inglés tabernak sukaldaritza-kultura desberdinak integratzen dituen proposamenarekin lortu du aipamena. «Nazioarteko gastronomia eta euskal sukaldaritza uztartuz oso pintxo praktikoa »egin duela azaldu zuen epaimahaiak.

Bestetik, Galdakaoko Batzoki tabernak, «teknika ezberdinetako hainbat produkturen erabilera oso zuzenaren bitartez, zapore eta ehundura ezberdinen muntaketa konplexua» lortu duela adierazi zuen epaimahaiak.