Auto bat erabat kiskali da gaur Labea auzo usansolotarreko errepide nagusian
TESTUA: Jon Gomez Garai
ARGAZKIA: Bizkaiko suhiltzaileak
Su hartu du auto batek gaur Usansoloko Labeaga auzoan, eta erabat kiskali dela iragarri dute Bizkaiko suhiltzaileek, albiste honetako argazkia argitaratu dutenek.
Ibilgailu batek su hartu du gaur eguerdian Usansoloko Labea —Labeaga, ofizialki— auzoan, ospitale parean. Berehala bertaratu dira Bizkaiko suhiltzaileak, eta hauek izan dira horren berri eman dutenak albiste honetako argazkiaren bitartez.
Sutearen arrazoiaren informaziorik eman ez badute ere, erabat itzali dutela ziurtatu dute suhiltzaileen X —lehen Twitter— sare sozialetik.
