Orkatzategira irteera antolatuko du domekan Ganguren Mendi Taldeak
TESTUA: Irati Alonso García
ARGAZKIA: SenderismoT
Ganguren Mendi Talde galdakoztarrak Orkatzategira irteera antolatuko du domekan, apirilak 21. Arrikurutzeko kobazuloetara bisita egingo dute eta guztira 7,7 kilometroko ibilbidea egingo dute.
Ohi duenez, Ganguren Mendi Taldeak ekintzak antolatuko ditu asteburuan. Bihar, apirilak 20, Zazpi Trokak mendi lasterketa izango da eta guztira 22,5 kilometro egingo dituzte parte-hartzaileek, BINKEk jaso zuen moduan.
Domekan, apirilak 21, aldiz, Orkatzategira irteera antolatuko du talde galdakoztarrak. Juan Bautista Uriarten, Udaltzaingoaren ondoan, hartuko dute autobusa eta ibilbidea 09:15ean hasiko dute Oñatitik.
Guztira 7,7 kilometro egingo dituzte eta Arrikrutzeko Kobazuloak bisitatzeko aukera ere izango dute parte-hartzaileek. Informazio gehiago ezagutu daiteke Ganguren Mendi Taldearen webgunean.
