Trakzio Mekanikoko Ibilgailuen gaineko Zerga ordaintzeko epea zabalik dago
TESTUA: Irati Alonso García
ARGAZKIA: CohesIP
Galdakaoko Udalak ireki du aurtengo Trakzio Mekanikoko Ibilgailuen gaineko Zerga borondatezko epean kobratzen hasteko epea. Ekainaren 3ra arte egongo da zabalik, eta, hortik aurrera, zerga kobratzeko betearazteko epea automatikoki hasiko da.
Trakzio Mekanikoko Ibilgailuen gaineko Zerga borondatezko epean kobratzen hasi da honezkero Galdakaoko Udalak. Ekainaren 3ra arte egongo da zabalik, eta, hortik aurrera, zerga kobratzeko betearazteko epea automatikoki hasiko da.
Ordainketak helbideratuta dituztenei borondatezko epearen azken egunean kobratuko zaie, bestelako tramiterik egin behar izan gabe. Ordainketak helbideratu gabe dituztenentzat ere tramitazioak erraztu egin ditu Udalak, eta beraz, aukera hauek izango dituzte ordainketak egiteko, maiatzaren 2tik ekainaren 2ra bitartean:
- Banketxeetan, Kutxabank, Laboral Kutxa eta Caixabanken bulegoetan. Etxera bidalitako erreziboa eraman behar da, eta banketxean ordainketa egin.
- Ordainketa pasabidearen bidez. www.galdakao.eus webgunean sartu, eta ‘Nire ordainketa’ atalean.
- Esan herritarren arretarako bulegoan hainbat tramite egiteko jarri den makina automatikoan. Kutxazain horretan herritarrek udal zerga eta tasen ordainketak egin ditzakete.
Ordainketa horiek egiteko inprimaki sorta etxean jasotzen ez bada edo galtzen bada, Udalaren Esan bulegoan eskatu beharko da horren kopia. Ordainagiria ez jasotzeak edota akatsen bat izateak ez du esan nahi zerga ordaindu beharrik ez dagoenik.
Inprimaki sorta jasotzen ez bada, edo galduko balitz, udalaren ESAN bulegoan (herritarren arreta zerbitzua) horren bikoiztua jaso behar izango da edo Udal Zerga Atarian.
Helbideratzea eskatzeko, ordainketaren unean bertan egin daiteke, edo helbideratze-buletina bete Udaleko Esan bulegoan, eta 2025 urtealdian aktibatuko litzateke. Ibilgailuen errolda udaletxean dago jendaurrean ikusgai.
