Galdakao Igeriketa Taldeak domina bi lortu zituen Udako Euskal Herriko Txapelketan
TESTUA: Irati Alonso García
ARGAZKIAK: Galdakao Igeriketa Taldearen sareetatik
Pasa den asteburuan Udako Euskal Herriko Txapelketa antolatu zen Ordizian eta honetan domina bi lortu zituen Galdakao Igeriketa Taldeak. Zeintzuk izan ziren jakin nahi?
Ordiziak Udako Euskal Herriko Txapelketa hartu zuen pasa den asteburuan, uztailak 20 eta 21ean. Ehunka kirolari batu ziren hitzorduan, haien artean Galdakao Igeriketa Taldeko hainbat kide.
Talde galdakoztarreko igerilariek domina bi lortu zituzten. Batetik, mutilak Euskal Herriko txapeldunak izan ziren, absolutu mailan.
Bestetik, Galdakao Igeriketa Taldea txapeldunorde izan zen maila bateratuan.
