Ibon Hernandoren ‘Escrito por Ib’, gidoi onenaren saria Sansilvestrale jaialdian
TESTUA: Irati Alonso García
ARGAZKIA: Ibon Hernandoren sareetatik
Abuztuaren 8tik 10era Sansilvestrale jaialdiaren bosgarren edizioa antolatu zen Huelvan eta honetan, besteak beste, Ibon Hernando galdakoztarraren ‘Escrito por Ib’ film laburra saritu zuten. Lanak gidoi onenaren saria irabazi zuen.
Ibon Hernando galdakoztarraren ‘Escrito por Ib’ film laburrak sariak jasotzen jarraitzen du. Ekainaren 26tik 29ra Puebla Film jaialdia antolatu zen Madrilgo Puebla de la Sierra herrian eta honetan gidoi onenaren saria eman zioten, BINKEk jaso zuen moduan.
Abuztuaren 8tik 10era aldiz, Sansilvestrale jaialdiaren bosgarren edizioa antolatu zen Huelvako San Silvestre de Guzman herrian eta honetan ere gidoi onenaren saria jaso zuen Ibon Hernandoren ‘Escrito por Ib’ film laburrak.
Hernando bera izan zen Huelvako herrian saria jasotzen eta antolakuntzaren lana eskertu zuen. «Eskerrik asko San Silvestre halako jaialdi sinestezin bat antolatzeagatik. Zuen lana guztiz laudagarria da», argitaratu zuen galdakoztarrak sare sozialetan.
Bestalde, sari berri bi jaso ditzake Hernandoren ‘Escrito por Ib’ lanak, izan ere, galdakoztarrak sare sozialetan argitaratu duenez, Puçol jaialdian eta Donostiako Film Laburren Festibalean izendatua izan da.
