Familia zaintzaileak laguntzeko Zainduz programak ere ikasturteari ekin dio
TESTUA: Jon Gomez Garai
ARGAZKIA: Yuganov Konstantin
Nork zaintzen ditu menpekotasuna duten senideak zaintzen dituztenak? Galdera konplikatuegia da akaso, baina hauei laguntza eskaintzeko asmoz sortu zen Zainduz programaren jarduerak martxan dira berriz, udako etenaldiaren ostean.
Galdakaoko Udalaren Gizarte Ekintza Arloak sustatutako programa da Zainduz, menpekotasuna duten pertsonen zaintzaz arduratzen diren senideei laguntzeko egitasmoa. Zenbait jarduera antolatzen ditu programa honek urtean zehar, eta udako geldialdiaren ostean, bueltan da zaintza erdigunean jartzeaz arduratzen den ekimena.
Urteko azken hiruhilekorako lau egiteko proposatuko ditu Zainduz programak, Udalak hitzez hitz adierazi bezala:
- Laguntza taldea 1 – Naroa Azurmendi psikologoak zuzendutako laguntza taldea: asteazkenero, urriaren 9tik abenduaren 18ra, 11:00etatik 12:30era, Izarra adinekoen zentroan (Bizkai kalea, 1).
- Bakarkako laguntza Naroa Azurmendi psikologoarekin: zerbitzu hau Gizarte Ekintzan (Pontzi Zabala 3) eskainiko da, aurretiazko hitzordua hartuta 94 401 05 45 telefonoan.
- ‘50 urtetik gorakoentzat elikadura’ hitzaldia: urriak 21, astelehena, 16:00etik 17:30era, Elkarbizi adinekoen zentroan (Urtebieta).
- Laguntza taldea 2 – Naroa Azurmendi psikologoak zuzendutako laguntza taldea: ostegunetan, bi astean behin, urriaren 10etik abenduaren 19ra, 11:00etatik 12:30etara Eperlandan (Aperribai).
Jarduera guztiak mendekotasuna duten senitartekoen zaintzaileei zuzenduta daude eta izen ematea telefonoz egin daiteke: 94 401 05 45.
