ARGAZKIAK | Torrezabalen 30. urteurren-jaia 26 iruditan
TESTUA: Irati Alonso García
ARGAZKIAK: Ander Elordui
Torrezabal Kultur Etxeak 30 urte bete ditu aurten eta hau ospatzeko jaia egin zuten atzo, azaroak 24. Ehunka herritar batu ziren areto nagusian antolatu zen ekitaldian eta han izan zen BINKE 26 irudi hauek batzeko.
Jai giroa izan zen nagusi atzo Torrezabal Kultur Etxean, izan ere, 30. urteurrena ospatzeko ekitaldia antolatu zuen Galdakaoko Udalak, Pako Revueltasekin eta Maximo Moreno Musika Eskolarekin elkarlanean.
Ehunka herritar batu ziren hitzorduan eta hain zuzen, Maximo Moreno Musika Eskolako trikitilari eta panderojoleek egin zieten harrera Torrezabaleko areto nagusira sartu baino lehen.
Aretoaren barruan Gaizka Chamizo galdakoztarra, Jontxu Martinez usansolotarra eta Ainhoa Artetxe izan ziren ekitaldia gidatzeko arduradunak. Musikaz beteriko jaia izan zen, eta ikuskizunak posible egiten duten pertsona guztien garrantziaren inguruan hausnartzera ere deitu zuten.
Tartean, besteak beste, musika eskolako ikasleek hainbat pieza jo zituzten, Irati Bediagaren hausnarketa bat irakurri zen, Karlos Aretxabaletaren ipuin bat irakurri zen, bingo musikatua antolatu zen eta Torrezabaleko argazki zaharrak ikusteko aukera izan zuten ere bertaratu zirenek.
Guzti hau batu zuen jaian izan zen BINKE eta ekitaldiak emandakoaren irudiak batu genituen bideotxo batean. Albiste honetan ordea, Ander Elorduik egindako 26 argazki batu ditugu:
