Gabonetako erakusleihoen lehiaketa jarri du martxan Galdakaoko Udalak
TESTUA: Irati Alonso García
ARGAZKIA: Decifillia
Galdakaoko Udalak tokiko merkataritza sustatzeko kanpaina jarri du martxan eta honen baitan gabonetako erakusleihoen lehiaketa antolatu du. Honetan izena emateko azken eguna bihar, abenduak 4, da.
Galdakaoko Udalak tokiko merkataritzaren aldeko apustua indartu du aurtengo Gabonetako merkataritza kanpainan berrikuntza bat sartuta: erakusleihoen lehiaketa. Gu Dendari elkartearekin batera antolatutako ekimena da eta herriko dendek eman ahal dute izena.
Horretarako azken eguna bihar, abenduak 4, da eta Udalaren webgunean ezagutu daitezke lehiaketaren xehetasun guztiak. dute. Lehenengo saria hiru eguneko bidaia izango da Londresera bi lagunentzat; bigarrena eta hirugarrena, berriz, lau lagunentzako bazkaria Andra Mari eta Aretxondo jatetxeetan, hurrenez hurren.
Bestalde, Sari Herrikoia ere izango da, eta irabazleak Roquechar dendako gourmet produktuen saski bat eramango. Herritarrek Gu Dendari elkartearen webgunean bere erakusleiho gogokoenaren alde bozkatu ahal izango dute eta botoa ematen duten pertsonak automatikoki sartuko dira Galdakaoko dendetako artikuluak biltzen dituen Super Saski baten zozketan.
Sari banaketa abenduaren 28an, izango da Torrezabalen, 20:30ean, Bizkaidendak erakusleiho lehiaketaren 26. galaren baitan. Izan ere, Bizkaiko Merkataritza Elkarteen Federazioak Galdakaon egingo du lehen aldiz bere urteroko Gala, Gu Dendari eta Udalaren laguntzarekin. Bertan herriko saltokien ‘Ez eman buelta gehiago, Galdakaon nahiago’ sustapen bideoa ere proiektatuko da.
