Irakasle usansolotarraren aurkako salaketak jasotzeko kontua sortu dute Instagramen
TESTUA: Irati Alonso García
ARGAZKIA: BINKE
Urretxindorra Ikastolako irakasle usansolotar bat pederasta izatea salatu du ikasle eta ikasle ohiez osatutako emakume talde batek. Hasieran Denuncias Euskal Herria Instagram kontuaren bitartez egin zuten, baina ostean, kontu propioa sortu dute horretarako: Urretxindorrako Salaketak.
Irakasle eta idazle usansolotar bat pederasta izatea salatu du Urretxindorra Ikastolako ikasle eta ikasle ohiez osatutako emakume talde batek. Biktimak 10 eta 17 urtekoak dira, beraz, «haurren aurkako sexu-indarkeria» dela nabarmendu dute, BINKEk jaso zuen moduan.
Halaber, «Urretxindorra Ikastola konplize» dela adierazi dute emakumeek: «Engainuen bidez ikasleak isilarazten saiatu izan dira».
Salaketa Denuncias Euskal Herria Instagram kontuaren bitartez egin zuten hasieran, baina ondoren, kontu propioa sortu dute irakasle honen kontrako salaketa guztiak batzeko: Urretxindorrako Salaketak. Honetan, beste emakume batzuen salaketak jasotzen ari dira
Ustezko erasotzailea BINKEko ohiko kolaboratzailea da eta beraz, hedabide honek, kasua argitu arte, elkarlanean aritzeari utzi dio.
