Hasiera›Albisteak›Aktualitatea›EGITARAUA | Torrezabal Kultur Etxeak urtea hasteko 23 ikuskizun eskainiko ditu

EGITARAUA | Torrezabal Kultur Etxeak urtea hasteko 23 ikuskizun eskainiko ditu

2025-01-10

153

TESTUA ETA IRUDIAK: Irati Alonso García

Hilabete honetatik ekainera bitarte 23 ikuskizun eskainiko ditu Torrezabal Kultur Etxeak, adin eta zaletasun guztiei zuzendutakoak. Gaur aurkeztu du Galdakaoko Udalak egitarau osoa eta ondoko albistean batu dugu.

Behin urtea bukatu dela eta Gabonak atzean utzi ditugula, Torrezabal Kultur Etxeak hurrengo hilabeteetan eskainiko dituen kultur ikuskizunak iragarri ditu gaur Galdakaoko Udalak, aretoan bertan egindako agerraldian.

«Pozez beterik gaude, aurreko hilabeteetan Torrezabal bete delako hemen eskainitako ikuskizunak ikusteko eta hurrengo hilabeteetan hau errepikatzea nahi dugu. Punta-puntako saioak izango ditugu eta Galdakao kalitatearen sinonimoa izango da zentzu honetan», adierazi du Edurne Espilla Kultura zinegotziak.

Ildo beretik, Iñigo Hernando alkateak kulturaren garrantzia azpimarratu du: «Galdakao bertan bizitzeko eta nahi duguna egiteko herria izan behar da eta asmo honetan kultura ezinbesteko ardatza da».

Katrin Schlegel Udaleko kultura programatzaileak azaldu duenez, guztira 23 ikuskizun hartuko ditu Torrezabalek ekainera bitarte, adin eta zaletasun guztiei zuzendutakoak eta aurrekoetan bezala, bisita gidatuak egiteko aukera ere eskainiko da.

Hemen batu dugu ekainera bitarte Torrezabalek hartuko duen egitarau osoa, egunez egun (* izartxoarekin adierazitako saioak euskaraz izango dira):

Urtarrilak 17, barikua: ‘Casting Lear’ ikuskizuna, 20:00. Sarrera: 9-12€.
*Urtarrilak 24, barikua: ‘Miñan’ antzezlana, 20:00. Sarrera: 6-8€.
*Urtarrilak 25, zapatua: Euskal Barrok Ensembleren ‘Euskelelea’, 18:00. Sarrera: 4-6€.
Urtarrilak 31, barikua: ‘El bar nuestro de cada día’ ikuskizuna, 20:00. Sarrera: 9-12€.
*Otsailak 8, zapatua: ‘Scrooge eta mamuak’ antzezlana 18:00. Sarrera: 4-6€.
*Otsailak 14, barikua: ‘Itzulera’ ikuskizuna , 20:00. Sarrera: 6-8€.
Otsailak 16, domeka: Da Capo Musika Bandaren ‘Pangea & Abraham Cupeiro’ kontzertua, 13:00. Sarrera: 3-5€.
*Martxoak 1, zapatua: ‘Moko. Indalecio Bizkarrondo Bilintx’ ikuskizuna, 18:00. Sarrera: 4-6€.
Martxoak 2, domeka: ‘Sotobosque’ antzezlana, 12:00 eta 17:00. Sarrera: 4-6€.
*Martxoak 7, barikua: Ana Goitiaren ‘Katana’ bakarrizketa, 20:00. Sarrera: 6-8€.
Martxoak 14, barikua: ‘Guapa’ antzezlana, 20:00. Sarrera: 6-8€.
Martxoak 22, zapatua: ‘Historia de la lana’ ikuskizuna, 18:00. Sarrera: 4-6€.
*Martxoak 29, zapatua: Anariren kontzertua, 20:00. Sarrera: 9-12€.
Martxoak 30, domeka: Da Capo Musika Banda, Celia Dávila eta Daniel Lozanoren kontzertua, 13:00. Sarrera: 3-5€.
Apirilak 6, domeka: ‘Lana’ obra, 19:00. Sarrera: 7,5-10€.
*Apirilak 11, barikua: Antton Telleriaren ‘Ninini’ bakarrizketa, 20:00. Sarrera: 7,5-10€.
*Apirilak 12, zapatua: ‘Alizia lurralde miresgarrian’, 18:00. Sarrera: 4-6€.
*Maitzak 11, domeka: ‘OTS’ dantza ikuskizuna, 19:00. Sarrera: 7,5-10€.
Maiatzak 16, barikua: ‘Ni flores, ni funeral, ni cenizas, ni tantán’ obra, 13:00. Sarrera: 3-5€.
*Maiatzak 18, domeka: ‘Da Capo eta printze txikia: bidaia magikoa’ kontzertua, 13:00. Sarrera: 3-5€.
*Maiatzak 23, barikua: ‘Renata’ obra, 20:00. Sarrera: 6-8€.
*Maiatzak 31, zapatua: Porrotx, Marimotots, Pupu eta Loreren ‘Ostirala iritsi da!’ ikuskizuna, 17:00 eta 19:00. Sarrera: 4-6€.
*Ekainak 13, barikua: Gorka Urbizuren kontzertua, 20:00. Sarrera: 14-18€.

Hemen Katrin Schlegelen adierazpenak egitarauaren inguruan, eta baita Torrezabalen arituko diren Ines Vaquero Galdakaoko Da Capo Musika Bandako kidearenak eta Euskal Barrok Ensembleko Enrike Solinis galdakoztarrarenak.