Agortu dira Gorka Urbizuren Galdakaoko kontzerturako sarrerak

TESTUA: Irati Alonso García
ARGAZKIA: Ibai Arrieta

Gorka Urbizuk kontzertua eskainiko du Torrezabal Kultur Etxean ekainaren 13an. Saio honetarako sarrerak gaur goizean jarri dira salgai eta ordu gutxitan agortu dira.

Torrezabal Kultur Etxeak 23 ikuskizun eskainiko ditu urtea hasteko. Ekainera bitarte adin eta zaletasun guztiei zuzendutako saioak ikusi ahal izango dira Galdakaon, hala nola, Da Capo Musika Bandaren, Euskal Barrok Ensembleren eta Anariren kontzertuak, eta Antton Telleriaren eta Ana Goitiaren bakarrizketak.

Gorka Urbizu musikaria ere arituko da Torrezabalen, ekainaren 13an, eta berak sinatzen duen ‘Hasiera bat’ lehen diskoa aurkeztuko du.

Saio honetarako sarrerak gaur, urtarrilak 13, goizean jarri dira salgai eta ordu gutxitan agortu dira. Ohiko webgunean eskuragai dauden sarrera bakarrak mugikortasun urriko pertsonentzat zuzendutakoak dira.