‘Scrooge eta mamuak’ obra eskainiko du Khea Ziater konpainiak Galdakaon
TESTUA: Irati Alonso García
ARGAZKIA: Khea Ziater
Charles Dickensen ‘Gabon Ipuina’ eleberriaren egokitzapen librea sortu du Khea Ziater konpainiak: ‘Scrooge eta mamuak’. Konpainiaren haurrentzako lehen film eszenikoa da eta aktoreen, zinemaren eta panpinen arteko konbinazioa ikusi daiteke antzezlanean.
Khea Ziater konpainiak Charles Dickensen ‘Gabon Ipuina’ eleberriaren egokitzapen librea sortu du, ‘Scrooge eta mamuak’ izenpean. Talde honek sortutako haurrentzako lehen film eszenikoa da eta Ebenezer Scroogeren istorioa azaltzen du, diruarekin obsesionatuta dagoen bankari berekoi eta zekena, maitasunean sinesteari utzi diona.
Zapatuan, otsailak 8, Torrezabal Kultur Etxean eskainiko du konpainiak obra hau, 18:00etan. Sarrerak eskuragai daude honezkero 4 eta 6 euro arteko prezioan ohiko webgunean.
Saioan obra Khea Ziaterren sorkuntzen estilora eta formara eszenaratua ikusi ahal izango da, «non kode zinematografikoak eta eszena aurkitzen diren»; aktoreen, zinemaren eta panpinen arteko konbinazio hirukoitzarekin.
