Gazteei eta familiei zuzendutako orientazio saioak antolatu ditu Galdakaoko Udalak

TESTUA: Irati Alonso García
ARGAZKIA: Fizkes

Galdakaoko Udalak, Bizkaiko Foru Aldundiarekin elkarlanean, gazteen zalantzak argitzeko orientazio saioak eskainiko ditu otsailean zehar. Hitzorduak otsailaren 10, 12, 17, eta 19an izango dira.

Prestakuntza eta lan aukerak gero eta anitzagoak dira gaur egun eta hauen artean aukeratzen laguntzeko asmoz, bokazio orientazio saioak eskainiko ditu Galdakaoko Udalak, Bizkaiko Foru Aldundiarekin elkarlanean.

Topaketak gazteei eta haien familiei zuzenduta daude eta otsailean zehar izango dira, zehazki, Saioak otsailaren 10ean eta 17an, astelehenak, eta hilaren 12an eta 19an, eguaztenak. Talde bakoitzak bi saiotan parte hartuko du, eta saio bakoitza bi ataletan banatuko da: bat gazteentzat (17:00-18:45) eta bestea gurasoentzat (19:00-20:45).

Lehenengo saioan arlo pertsonala landuko da, zeharkako trebetasunak, gaitasunak, bokazio profesionala eta erabakiak hartzeko orduan laguntzen gaituzten gaiak eta esperientziak jorratuz eta bigarrenean, berriz, hezkuntza eskaintza (unibertsitatea, LH, modalitateak, etab.) eta lan merkatuaren egoera aztertuko dira, hurbileneko inguruneko errealitatea kontuan izanik.

Saioetan parte hartzeko beharrezkoa da gazteek eta familiek izena ematea Galdakaoko Udaleko Gazteria sailean egin daiteke, mgarrido@galdakao.eus helbide elektronikoan, edo 944 010 528 telefonoan.