Olabarrietako Katamar haurreskolaren kanpoaldea berritzeko lanak bukatu dituzte

TESTUA: Irati Alonso García
ARGAZKIA: Galdakaoko Udala

Olabarrietako Katamar haurreskolaren kanpoaldea berritzeko lanak amaitu ditu Galdakaoko Udalak. Zoru tekniko, estalki eta kartel berriak jarri dituzte.

Galdakaoko Udalak Olabarrietako Katamar haurreskolaren kanpoaldea berritzeko lanak amaitu ditu. Pasa den urte amaieran estalki eta kartel berria jarri zituen bertan eta orain zoru tekniko berria jarri du.

Zehazki, aurretik zegoen lurzorua hondatuta zegoen eta gomazko zoru berri batez ordezkatu du. Horrela, «zartatutako eremuak kendu dira, eta haurren segurtasuna areagotu da». Era berean, zoru berria bigunagoa izanik, «erosoago jolasteko aukera ematen die txikiei eta patioa gozatzeko leku atseginagoa bihurtu da».

Lurzoru berria azken oporraldian jarri da «haurreskolaren funtzionamenduari ez eragiteko, eta auzotarrek azken urteetan adierazi duten eskaerari erantzuna ematen dio».