‘Historia de la lana’ antzezlana eskainiko du Torrezabalen Rauxa konpainiak

TESTUA: Irati Alonso García
ARGAZKIA: Rauxa Konpainia

Clown, berrikuntza, haizearen bidez mugitzen diren txotxongiloak, zuzeneko piano jotzaile bat eta proiekzio egileak batzen ditu ‘Historia de la lana’ antzezlanak. Zapatuan, martxoak 22, Galdakaoko Torrezabal Kultur Etxean aurkeztuko du obra hau Rauxa konpainiak.

Urtarriletik ekainera bitarte 23 ikuskizun eskainiko ditu Torrezabal Kultur Etxeak, adin eta zaletasun guztiei zuzendutakoak, BINKEk jaso zuen moduan. Programa honen baitan Rauxa konpainia helduko da Galdakaoko aretora zapatuan, martxoak 22.

Taldeak clown, berrikuntza, haizearen bidez mugitzen diren txotxongiloak, zuzeneko piano jotzaile bat eta proiekzio egileak batzen dituen lana eskainiko du. «Istorio honetan aurrez zehaztutako objektuak ezarritakoaren eta ohikoaren aurka agertuko dira. Fantasiazko ipuin bat da», adierazi dute taldetik.

Saioa 18:00etan izango da eta sarrerak eskuragai daude ohiko webgunean 4 eta 6 euro arteko prezioan.