Gorka Mardaras eta Joseba Ostolaza omendu zituen Umore Ona futbol taldeak

TESTUA: Irati Alonso García
ARGAZKIA: Umore Ona taldearen sareetatik

Umore Ona talde usansolotarrak denboraldiko azken partida jokatu zuen maiatzaren 25ean, Meatzetan. Loiu A taldearen kontra 4-1 irabazi zuen eta partidaren ostean Gorka Mardaras jokalariari eta Joseba Ostolaza entrenatzaileari omenaldia egin zieten taldekideek.

Denboraldia amaitu da honezkero Umore Ona talde usansolotarrarentzat eta sailkapeneko 3. postua lortuta, Lehenengo Mailan jokatuko dute hurrengo denboraldian ere. Azken partida maiatzaren 25ean jokatu zuen Meatzetan, Loiu A taldea 4-1 irabazita.

Partidaren ostean Gorka Mardaras jokalaria eta Joseba Ostolaza entrenatzailea omendu zituzten taldekide eta zaleek. Mardaras kapitaina izan da azken denboraldietan eta denboraldia amaituta futbola utzi du. Ostolaza aldiz, entrenatzaile lanetan ibili da eta bere azken denboraldia izan da talde usansolotarrean.

Taldekideek Umore Onan egindako «ibilbidea eta dedikazioa eskertu zieten», eta oroigarri bat eman zieten bakoitzari.