Memoriaren inguruko dokumental bi eskainiko dira Torrezabal Kultur Etxean

TESTUA: Irati Alonso García
ARGAZKIA: Langileriaren Inguruko Zinema Jaialdiaren

Torrezabal Kultur Etxeak zinema dokumentalaren emanaldi bi hartuko ditu hurrengo egunetan. Gaur, ekainak 6, ‘La fábrica de mi padre’ proiektatuko da eta ekainaren 11n aldiz, ‘En realidad es una historia de amor’.

Iraganeko belaunaldien memoria, zaintza eta borrokari omenaldi egingo dioten bi dokumentalen emanaldiak hartuko ditu hurrengo egunetan Galdakaoko Torrezabal Kultur Etxeak.

Lehenengoa gaur, ekainak 6, eskainiko da 19:00etan, Langileriaren Inguruko Zinema Jaialdiaren baitan. ‘La fábrica de mi padre’ du izena eta lan honek Bizkaiko eta, bereziki, Galdakaoko langileen eta industriaren memoriari buruzko begirada intimo eta konprometitua eskaintzen du, XX. mendearen bigarren erdian nekaezin lan egin zutenen kontakizunen bidez.

Ekainaren 11n aldiz, ‘En realidad es una historia de amor’ dokumentala ikusteko aukera izango da Torrezabalen 18:00etan. Lan honek Pilar Monrealen bizitza aztertzen du, pobreziak eta gaixotasunak markatutako haurtzarotik, barnetegi frankista batetik pasatuz, Bizkaia eta Galdakaora iritsi arte, non maitasuna aurkitu eta eraldaketa pertsonalerako prozesu bati ekiten zion. Saio hau Galdakao HHIko Galdarra Elkarteak antolatu du, Galdakaoko Udalaren laguntzarekin.

Galdakaoko Udalak jakinarazi duenez, proiekzio biak doakoak izango dira, lekua bete arte.