Ados Teatro konpainiak ’52 hertz’ obra eskainiko du domekan, urriak 26, Torrezabal Kultur Etxean. Taldea aukeratu gabeko bakardadearen inguruan arituko da, bale bakarlari baten metafora erabiliz.
Torrezabal Kultur Etxeak 19 ikuskizun hartuko ditu irailetik abendura bitarte eta domekan, urriak 26, Ados Teatro konpainiak ’52 hertz’ obra eskainiko du aretoan.
Ikuskizun honetan aukeratu gabeko bakardadearen inguruan arituko da taldea, bale bakarlari baten metafora erabiliz.
«Aukeratu gabeko bakardadea azpiegiturazko arazoa da, zeharkakoa eta lehen mailakoa, gertatzen baita landa eremuetan zein hiriguneetan, nagusietan zein gazteetan, eta gizarteari izugarrizko kostua eragiten dio osasungintzan eta bizikalitatean. Ikuskizun honen testua zenbait bakardade lekukotzatan oinarrituta sortu da, aldez aurretik mikrodokumental formatuan jasotakoak, Giza filmoteka gure proiektuaren barruan», azaldu du Ados Teatro konpainiak.
Obraz gozatzeko sarrerak eskuragai daude ohiko webgunean eta Torrezabal Kultur Etxean.
