Lanenana Naranja konpainiak Zimurren artean kontukontari familientzako ikuskizuna aurkeztuko du zapatuan Galdakaon, Gabonetako egitarauaren baitan. «Jakinduriaz eta maitasunaz betetako hamar abesti» eskainiko ditu taldeak.
Galdakaoko Udalak eta eragileek hamaika ekintza antolatuko dituzte datorren asteetan zehar Gabonak ospatzeko, BINKEk jaso zuen moduan.
Egitarau zabal horren baitan, Lanenana Naranja konpainiak Zimurren artean kontukontari familientzako ikuskizuna aurkeztuko du zapatuan, abenduak 20, Galdakaon.
Saioa Torrezabal Kultur Etxean izango da 18:00etan eta bertan taldeak «jakinduriaz eta maitasunaz betetako hamar abesti» eskainiko ditu.
Sarrerak eskuragai daude Torrezabalen eta ohiko webgunean.
