Futbol eskolako doako saio batez gozatzeko aukera eramango du Athletic Clubek Galdakaora, Santa Barbarako futbol zelaira. Jardunaldia 2010 eta 2019 urteen artean jaiotako futbolarientzat zuzenduta egongo da.
Aurreko deialdietan izandako harrera bikainaren ondoren, Athletic Clubek bere futbol eskolako ate irekien jardunaldi berri bat antolatzea erabaki du. Oraingo honetan Galdakaon, Santa Barbarako zelaian izango da, apirilaren 19an.
Saioaren helburua «Lezaman aplikatzen den entrenamendu eredua bertatik bertara ezagutzea da, jokalarien hazkuntza maila baxuenetatik maila goreneraino eramaten dituena».
Jarduera 2010 eta 2019 artean jaiotako parte-hartzaileei zuzenduta dago, eta izen-ematea doakoa da, baina plaza kopurua mugatua da.
Horregatik, izena aldez aurretik eman behar da apirilaren 13ra baino lehen formulario honen bitartez, eta Athletic Club zuzenean jarriko da harremanetan plaza hartzen dutenekin.
