Jaiak
BINKE / 2022ko ekaina

Hauek dira inguruko jaietatik Gautxorian bueltatzeko egun eta orduak

TESTUA: Erredakzioa
ARGAZKIA: Iturri ezezaguna

Hasi dira gure inguruetako jaiak, eta berarekin batera, parrandetatik Usansolora eta Galdakaora bueltan etortzeko garaia. Horretarako, beste urte batez, Arratiako, Zornotzako eta Galdakaoko jaietatik doan bueltatzeko gaueko autobus zerbitzua jarri dute martxan. Hauek ordutegiak!

Pandemiarik gogorrenaren ostean bueltan dira bere horretara aurretik genituen ohitura asko, tartean, jaiak. Udara iritsi ohi dira herrietako jaiak, eta gure zein inguruetakoak ere ez dira gutxiagorako izaten. Horretarako, Arratiako, Zornotzako eta Galdakaoko jaietatik joan-etorria egiteko gaueko autobus zerbitzua eskaintzen dute urtero —azken bi urteak salbu— Arratiako Udalen Mankomunitateak, Zornotzako Udalak eta Galdakaokoak.

Orokorrean zapatutik domekara bitarteko gauetan maiztasun bi izaten ditu Gautxori izenez ezagututako zerbitzu honek, baina udalerri bakoitzak erabaki ohi du bere herriko jaietatik buelta zein egunetan egin behar duten inguruko herrietako lagunek. Doako zerbitzua da urtero onarpen handia izaten duen ekimen hau eta Galdakaoko Santakurtzekin amaituko da.

Galdakoztarrak Juan Bautista Uriarte kalean utziko ditu Gautxoriak herrietako jaietatik bueltan —autobus geraleku berrian— eta lehenago usansolotarrak Gorosibaiko autobus geralekuan utziko ditu.

Hauek dira herriko jaietatik itzultzeko egun eta orduak:

IGORRE
Ekainak 11 eta 18, zapatuak
02:30ean eta 05:00etan
Autobus geralekuan

BEDIA
Ekainak 25, zapatua
02:30ean eta 05:00etan
Autobus geralekuan

ARANTZAZU
Uztailak 1, barikua
03:30ean
Autobus geralekuan

DIMA
Uztailak 2, zapatua
02:30ean eta 05:00etan
Autobus geralekuan

ZORNOTZA
Uztailak 16 eta 23, zapatuak
02:30ean eta 05:00etan
Anbulatorioko geralekuan

LEMOA
Uztailak 30, zapatua
02:30ean eta 05:00etan
Correosen ondoan

ZEANURI
Abuztuak 13, zapatua
02:30ean eta 05:00etan
Autobus geralekuan

AREATZA
Abuztuak 26, barikua
02:30ean eta 04:30ean
Autobus geralekuan

ARTEA
Irailak 9, barikua
02:30ean eta 05:00etan
Autobus geralekuan

GALDAKAO
Irailak 10 eta 17
02:30ean eta 05:00etan
Autobus geraleku berrian, Rasel eta Guuk parean (J.B. Uriarte)