Cyrano, Antton Telleria eta Cocoren gorazarrea Torrezabaleko programazio berrian

TESTUA: Naia Bergaretxe Sarria
ARGAZKIAK: Artisten sareetatik

Irailetik abendura bitarte Torrezabal Kultur Etxean eskainiko diren 20 ikuskizun ezberdinak eta egitarau ofiziala deskargatzeko aukera batu ditu Binkek ondoko argitalpenean.

Uda bukatzear dagoela, Galdakaoko Torrezabal Kultur Etxeko egitarau berria badago prest, 20 ikuskizun batzen dituenak. Irailetik abendura bitarte eskainiko diren jarduera anitzak batzen ditu oraingoan ere kultur programak, hain zuzen ere, irailaren 23tik abenduaren 28ra.

Ikuskizun guzti horien artean gehiengoa antzerkiak izango dira, hala nola Cyranoren bizitzaren inguruko maskara antzezlana edo Coco pelikularen gorazarrea. Horrez gain, Galdakaoko Da Capo musika bandaren kontzertu ezberdinak aurki daitezke egitarauan, baita Antton Telleriaren bakarrizketa ere.

Ondoko zerrenda honetan batu ditu Binkek Torrezabal Kultur Etxeak eskainiko duen programazioa:

• *Irailak 23, barikua: «Sagastitarrak» antzezlana, 20:00. Sarrera: 7,5-10€.
• Irailak 25, domeka: «Es mi palabra contra la mía» bakarrizketa, 19:00. Sarrera: 9-12€.
• Irailak 30, barikua: «Hegoak» antzezlan musikala, 20:00. Sarrera: 6-8€.
• *Urriak 1, zapatua: «Cyrano» antzezlana, 18:00. Sarrera: 4-8€.
• *Urriak 7, barikua: «Erre, aldarri bat bertsoz» performanza, 20:00. Sarrera: 4,5-6€.
• Urriak 14, barikua: «Solo críos, críos solo» antzezlana, 20:00. Sarrera: 6-8€.
• *Urriak 16, domeka: «Chez Emballage» antzezlan musikala, 13:00. Sarrera doan.
• *Urriak 22, zapatua: «Iratxoen kantu sekretuak» antzezlan musikala, 18:00. Sarrera: 4-6€.
• Urriak 23, domeka: «El premio» antzezlana, 19:00. Sarrera: 6-8€.
• *Azaroak 4, barikua: «Nekatutak» bakarrizketa, 20:00. Sarrera: 6-8€.
• Azaroak 5, zapatua: «Karpaty» zirkoa, 18:00. Sarrera: 4-6€.
• *Azaroak 17, eguena: «Bidaide» antzezlana, 20:00. Sarrera: 3-4€.
• Azaroak 18, barikua: «BAT» dantza garaikideko ikuskizuna, 20:00. Sarrera: 6-8€.
• Azaroak 20, domeka: «Hermanando sonidos» kontzertua, 13:00. Sarrera doan.
• Azaroak 26, zapatua: «Izadi» testu gabeko antzezlana, 18:00. Sarrera: 4-6€.
• Azaroak 27, domeka: «Mierda de Ciudad» performanza, 19:00. Sarrera: 7,5-10€.
• *Abenduak 1, eguena: «Lubaki lainotsua» antzezlana, 18:00. Sarrera: 6-8€.
• Abenduak 16, barikua: «Yerma» antzezlana, 20:00. Sarrera: 7,5-10€.
• Abenduak 18, domeka: «Musikarekin hobe» kontzertua, 13:00. Sarrera doan.
• Abenduak 28, eguaztena: «Un poco loco, Coco» gorazarre musikala, 18:00. Sarrera: 6-10€.

* Izartxoarekin adierazitako saioak euskarazkoak izango dira.

Torrezabaleko bazkideentzako oharrak:

• Bazkide edo Bazkide+ karneta erakutsi beharko duzu erosketaren unean eta funtzio egunean, aretoan sartzean.
• Ikuskizun bakoitzeko sarrera bi erosi ahal izango dituzu: bata Bazkide edo Bazkide+ deskontuarekin eta bestea orokorra dagokion deskontuarekin.
• Ordainketa eskudirutan egin behar duzu.
• %50eko bonoa erabili dezakezu helduentzako ikuskizun guztietan.