Aingeru Garay galdakoztarrak 29. postua lortu zuen Munduko Eslalon Txapelketan

TESTUA: Irati Alonso García
ARGAZKIA: Basque Team

Asteburuan Munduko Eslalon Txapelketaren finala lehiatu zen Saalbachen, Austrian, eta honetan Aingeru Garay eskiatzaileak parte hartu zuen. Galdakoztarrak 29. postua lortu zuen.

Aingeru Garay eskiatzale galdakoztarrak 35. postua lortu zuen duela bi urte Frantzian lehiatu zen Munduko Eslalon Txapelketan eta emaitza hau hobetu du asteburu honetan.

Atzo, otsailak 16, Munduko Eslalon Txapelketaren finala lehiatu zen Saalbachen, Austrian, eta honetan parte hartu zuen Garayk, zapatuko sailkapenean lortutako txartelari esker.

Galdakoztarra maila onean aritu zen atzoko finalean eta 29. postuan amaitu zuen finala. «Txapelketa 30 lehenengoen artean amaitzea beti dago ondo baina egia esan gehiago egin ahal izan dut», adierazi zuen eskiatzaileak txapelketa amaitu ostean.

Juan del Campo bilbotarrak ere parte hartu zuen Munduko Eslalon Txapelketaren finala atzo eta 23. postua lortu zuen.