ARGAZKIAK | Galdakaoko XII. Herri Krosa 90 iruditan

TESTUA: Irati Alonso García
ARGAZKIAK: Peio Zamalloa

Atzo, apirilak 28, Galdakaoko Herri Krosaren hamabigarren edizioa antolatu zuen Galdakao Atletismo Taldeak eta hitzorduak adin ezberdinetako ehunka parte-hartzaile batu zituen. Han izan zen BINKE eta hemen batu ditugu lasterketaren 90 irudi.

Beste urte batez, Galdakaoko Herri Krosa antolatu du Galdakao Atletismo Taldeak. Atzo, apirilak 28, izan zen lasterketa Urreta kiroldegiaren inguruetan eta adin ezberdinetako ehunka lagunek parte hartu zuten.

Hitzordua 11:00etan hasi zen eta txikienak izan ziren korrika egin zuten lehenengoak. Ondoren, kategoria ezberdinetako lasterketak egin ziren, adinaren arabera distantzia ezberdinekin.

Sariei dagokienez, senior kategoriako irabazleei garaikur bat eta txapel bat eman zieten, bai eta gizonezkoen eta emakumezkoen kategoria absolutuko lehen hiru sailkatuentzako diruzko sariak ere: 150 euro (1. mailakoa), 90 euro (2. mailakoa) eta 60 euro (3. mailakoa).

Lasterketan izan zen BINKE eta hemen batu ditugu hitzorduak emandako 90 irudi: