Bengoetxe

TESTUA ETA ARGAZKIA: Belen Cosgaya eta Alazne Pérez de Heredia, Bengoetxe BHIko ikasleak. Orain dela hilabete batzuk, ostalaritza eskolako ikasle batzuk Bengoetxe institutora etorri ziren galdera batzuk egitera. Emaitza horiek erronka bat egiteko erabili zituzten, “Tupper osasungarria” izenekoa. Otsailaren 20an, 3.DBHko Bengoetxeko ikasleak ostalaritza eskolara joan ginen, instalazioak ikustera eta prestatu ziguten janaria dastatzera, hori baitzen beraien erronka. Ostalaritza eskola, Bengoetxen dago kokatuta, gure institututik 5 minutura. Iritsi ginenean, instalazio guztiak ikusi genituen eta haien azalpenak entzun genituen. Dena ikusi eta gero, ikasten duten geletara eraman gintuzten eta prestatu zituzten platerrak eskaini zizkiguten. Ikasleok bi taldetan banatu gintuzten. Lehenengo taldekoek

TESTUA ETA ARGAZKIAK: Bengoetxe BHI Eguraldi onarekin batera iritsi da uretako ekintzez gozatzeko garaia. Maiatzaren amaieran eta ekainaren hasieran Bengoetxeko ikasleek Gorputz Hezkuntza arlotik antolatutako irteenaldietan parte hartzeko aukera izan zuten. DBH2ko ikasleak Urdaibain kanoan ibiltzera joan ziren eta DBH3koak Sopelan surf egitera. Trenez hurbildu ziren ikasleak Mundaka aldera. Bertan, arropa aldatu, beharrezko materiala prestatu, kanoan ibiltzeko teknikaren inguruko ohar orokor batzuk jaso eta uretara atera ziren. Egindako ibilbidean hainbat txoko uretatik ikusteko aukera izan zuten: Laidako hondartza ingurua, Sukarrietako San Antonio hondartza, Muruetako ontziola, Urdaibaiko fauna eta flora… San Antonio hondartzan atseden hartu eta bainu bat hartzeko tartea izan

TESTUA ETA ARGAZKIAK: Bengoetxe BHI Apirilaren 18an DBHko bigarren mailako ikasleek Busturian kokatuta dagoen Madariaga dorretxea bisitatu zuten. Irtenaldia Agenda30 proiektuaren barruan kokatuta dago eta bi zati nagusi izan zituen. Alde batetik, ikasleek Urdaibaiko paduran zehar paseo bat emateko aukera izan zuten, bertako landaredia eta fauna ezagutuz. Espezie inbaditzaileen berri eta hauek ekosisteman sortzen duten kalteen berri ere eman zitzaien. Urdaibaiko begiratokian geldialditxo bat egin zuten eta prismatikoekin arrano arrantzalea ikusteko saiakera egin. Bestalde, dorretxean biodibertsitatearen inguruko hainbat kontzeptu era praktikoan ezagutzeko aukera izan zuten. Gizakiak ingurunean dugun eraginaz gogoeta egin eta biodibertsitateak gizakioi ematen dizkigun onurak eta espezien desagertzearekin

TESTUA ETA ARGAZKIAK: Bengoetxe BHI Joan den astean hainbat ekintza osagarri izan genituen Bengoetxe institutuan. Emakume langilearen nazioarteko eguna dela eta, aste osoan zehar hainbat ekintza egin genituen ikastetxean. Programazioarekin hasteko, egun horretarako egindako irudi eta bideoa zabaldu ziren ikastetxeko web gunearen bidez. Martxoaren 7an Eider Eibar ilustratzailea bisitan etorri zitzaien DBH1eko ikasleei. “Emakumea, ilustratzailea eta euskalduna” tailerrean euskal emakume ilustratzailea izateak suposatzen duenaren inguruan aritu ziren. Jarduerak oso balorazio positiboa izan zuen. Martxoaren 8an musikarekin alaitu genituen ikastetxeko sarrera-irteera uneak eta pasilloetako tabloiak ere apainduta egon ziren. Irakasleon fitxategietan ere izan genuen sorpresa! Gainera, ikastetxeko ikasleek Quizzizz baten bidez

TESTUA ETA ARGAZKIA: Bengoetxe BHI Otsailaren 17an 11:15etatik aurrera ihauteriak ospatu genituen Bengoetxe BHI institutuan. Hainbat ekintzak osatu zuten eguneko egitaraua eta ikasle, irakasle zein bisitan etorritako adinekoek gozatu ederra hartu genuen. Jolastorduan txokolatearekin hasi ziren ospakizunak. Inguruko bi zahar egoitzatako kideak ihauteriak disfrutatzeko asmoz hurbildu ziren gure ikastetxera. Batxilergoko ikasleek egin zieten arreta eta liburutegian bingora jolastu zuten elkarrekin. Ondoren, behin kirol kantxara hurbilduta, mozorro desfilea eta ikasleek antolatutako dantzak egin ziren. Amaitzeko, DJ Hugo ikasle ohiak giroa alaitu zuen. Behin dena amaituta, ingurua txukun utzi ondoren 4 egunetako oporraldiaren hasiera dela eta poz-pozik joan ginen guztiok etxera.

Azken egunotan «Gandioleko eraikitzaileak» deituriko erakusketa izan dugu ikusgai Bengoetxe institutuko sarreran...