Bilbo eta Galdakao arteko bidegorria eskatzeko martxaren urteko azkena, bihar

TESTUA: Irati Alonso García
ARGAZKIA: Biziz Bizi

Hilero egiten duen moduan, Biziz Bizi elkarteak Bidegorria Galdakaora Orain martxa antolatuko du bihar, abenduak 28. Urteko azkena izango da eta ohi dutenez, Bilboko Bizkaiko Foru Aldundiaren eraikinetik abiatuko dira.

Bidegorria Orain martxaren urteko azkena antolatuko du bihar, abenduak 28, Biziz Bizi elkarteak. Martxan Bilbo eta Galdakao arteko bidegorria eskatzen jarraituko parte-hartzaileek eta XXXIII. edizioa izango da.

Bilboko Bizkaiko Foru Aldundiaren eraikinetik abiatuko dira 11:00etan eta guztira 25 kilometro egingo dituzte, hauxe aldarrikatuz: «Inuzenteen egunean… Galdakaora goaz. Izan ere, 33 martxak inuzente sentiarazten gaituzte, baina Bizkaiko Foru Aldundiak entzungo gaituela pentsatzen jarraitzen dugu».

Honezkero 30 martxa baino gehiago egin dituzte aldarrikapen honen harira eta «horrela jarraituko dugu lortu arte!».