EGITARAUA | Usansoloko jaiak maiatzaren 9tik 11ra bitarte ospatuko dira
TESTUA: Irati Alonso García
ARGAZKIA: Peio Zamalloa
Usansoloko Jai Batzordeak badu honezkero maiatzaren9tik 11ra ospatuko diren jaien egitaraua prest. Besteak beste, dantza, musika eta kirola uztartzen dituzten ekintzak antolatuko dituzte hiru egunetan zehar. Hemen ikus ditzakezu egunez eguneko ekintza guztiak.
Udaberriko jaietarako prest daude usansolotarrak. Usansoloko Jai Batzordeak ezagutzera eman duenez, maiatzaren 9tik 11ra bitarte ospatuko dira eta hainbat ekintzak antolatuko dituzte hiru egunetan zehar txiki eta nagusientzat.
Besteak beste, musika, dantza eta kirola uztartzen dituzten saioak eskainiko dira Usansolon. Hemen batu ditu BINKEk egunez egun prestatuko diren ekintzak:
Maiatzak 9, barikua
17:00 Umeentzako tailerrak Ludotekan
17:00 Saskibaloi txapelketa, Unkina kiroldegian
18:30 Disko dantza, Unkina plazan
19:15 Txorizoak, Unkina plazan
20:00 Kuadrilla jaitsiera, Meatzetako aparkalekutik
20:30 Pregoia, Unkina plazan
20:45 Kuadrilla jaitsieraren sari banaketa, Unkina plazan
21:00 Disko dantza, Unkina plazan
22:45 Kontzertuak, Unkina plazan: Argitu Erromeria eta Dj Hemendik Etxera
Maiatzak 10, zapatua
09:00 Dianak Usansoloko gaiteruekin herrian zehar
10:00 Paella eta tortilla txepelketen hasiera, Unkina plazan
11:00 Ekoizle eta artisau azoka, Izar plazan
12:00 Txulalai txiki festa ikuskizuna, Izar plazan
12:30 Gaiteros Du Roi Leon eta Usansoloko erraldoi eta gaiteroak, herrian zehar
14:00 Paella eta tortilla txapelketaren sari banaketa, Unkina plazan
15:00 Bazkari herrikoia, Unkina plazan
16:00 Bazkaloste musikatua, Kittu taldearen eskutik
17:00 Umeentzako puzgarriak eta egurrezko jolasak, Izar plazan
18:00 Usansoloko binakako esku pilota txapelketa herrikoiaren finalak, frontoi txikian
19:00 Jubilatuentzako luntxa
22:00 Kontzertuak, Unkina plazan: Alarma Morea, Iraultza erromeria eta Dj Puntz
Maiatzak 11, domeka
09:00 Dianak Gaiteros Du Roi Leon eta Usansoloko gaiteroekin, herrian zehar
10:00 Artisau azoka, Unkina plazan
11:00 Arku-tiroa, frontoi txikian
11:30 Dantza tailerra Divenirerekin, Unkina plazan
12:00 El Show de Paoliki ikuskizuna, La Estación tabernaren eskutik
13:00 Pasabareak Gaiteros Du Roi Leon eta Usansoloko gaiteroekin, herrian zehar
13:00 Oinarin Dantza Taldearen emanaldia, Arlo Baltza plazan
17:30 Buruhandiak egiteko familia tailerra, haur eskola ondoko lokalean
18:00 Danborrada, herrian zehar
