‘Egun zoragarriak’ antzezlana eskainiko du Pabellon 6 Gazte Konpainiak Torrezabalen
TESTUA: Irati Alonso García
ARGAZKIA: Pabellon 6
Torrezabal Kultur Etxeak ‘Egun zoragarriak’ antzezlana hartuko du barikuan, abenduak 13. Pabellon 6 Gazte Konpainiak eskainiko du «komedia sentsual, lotsagabe eta sentimentala».
Barikuan, abenduak 13, Pabellon 6 Gazte Konpainiaren lana ezagutzeko aukera eskainiko du Torrezabal Kultur Etxeak. Taldeak ‘Egun zoragarriak’ antzezlana aurkeztuko du areto galdakoztarrean.
Itziar Lazkanoren zuzendaritzapean, Gorka Luna, Izar Pizarro, Itxaso Sanchez, Omar Somai, Markel Vázquez eta Sofía Zallio igoko dira Torrezabaleko oholtzara, «komedia sentsual, lotsagabe eta sentimentala» interpretatzeko.
Sarrerak eskuragai daude ohiko webgunean 5 eta 10 euro arteko prezioan.
